About Us
'Space4K टेलिभिजन' भ्रष्टाचार विरुद्धको अभियान केन्द्रत स्याटेलाइट टिभी हो जुन इन्फोटेनमेन्ट विधा मार्फत् सक्रिय छ। हाम्रो उद्धेश्य भनेको देशको आर्थिक पारदर्शितालाई महत्व दिएर नीतिगत रुपमा तथा सामान्य रूपमा देखिएका हरेक भ्रष्टाचार विरुद्ध लड्न र नेपालको विकासमा योगदान पुर्याउनु हो। काठमाडौंको मध्य-बानेश्वरमा अवस्थित, हामी विस्तृत अनुसन्धानद्वारा पुष्टि गरिएका सही/वास्तविक समाचार र अन्य मनोरञ्जनका आकर्षक कार्यक्रमहरू सार्वजनिक गर्ने गर्दछौं।
हामी पुरानो तथा भ्रष्ट राजनीतिक शिक्षा र कर्मचारीतन्त्रमा मौलाएको चरम भ्रष्टाचारको उपस्थितिबाट उत्पन्न चुनौतिहरूलाई सवाल मात्र होइन समाधान गर्न चाहन्छौं, हामी नेपालको विकास यात्रामा एउटा उर्जावान प्रकाश थप्न प्रतिबद्ध छौं।
हाम्रो नियमित प्रसारणका विविध आयामहरुका साथ जोडिइरहनुहोस्, २४-घण्टा तालिकामा २५ वटा भन्दा बढी साप्ताहिक कार्यक्रमहरू तपाईंको मनोरन्जनको लागि सार्वजनिक भइसकेका छन्। देशका सातवटै प्रदेशहरूमा हाम्रो पूर्ण रूपमा सुसज्जित ब्यूरो र स्टुडियोहरू सहित, हामी देशभरबाट व्यापक कभरेज गर्नका लागि सक्षम छौं। ताजा समाचार, ट्रेन्डिङ बहसहरू, र रियालिटी शोहरू सहित हाम्रो मनमोहक सामग्री हाम्रो फेसबुक, ट्वीटर, इन्स्टाग्राम तथा 'लिंक ट्रि' मा समेत प्राप्त गर्नसक्नुहुनेछ। यदि तपाईको रुचि राजनीति, खेलकुद, मनोरञ्जन, स्वास्थ्य वा जीवनशैलीमा हो भने #space4ktv तपाइका लागि उपयोगी मेडिया प्लाटफर्म हो।
Contact Info
- Mid Baneshwor ,Bagmati province,Kathmandu
- +977-1-5917099
- info@space4ktv.com
- Week Days: 06:00 Sunday to 20:00 Saturday: Closed
नक्कली भुटानी शरणार्थी प्रकरणमा थुनामा रहेका पूर्वगृहमन्त्री एवम् कांग्रेस केन्द्रीय सदस्य बालकृष्ण खाणलाई नेपाली कांग्रेस लुम्बिनी प्रदेशले सम्मान गरेको छ।
NEWS UPDATE
नक्कली भुटानी शरणार्थी प्रकरणमा थुनामा रहेका पूर्वगृहमन्त्री एवम् कांग्रेस केन्द्रीय सदस्य बालकृष्ण खाणलाई नेपाली कांग्रेस लुम्बिनी प्रदेशले सम्मान गरेको छ।
शनिबार लुम्बिनी प्रदेश कार्यसमितिले खाणलाई सम्मान गरेको हो।
खाण थुनामा रहेकाले उक्त सम्मानपत्र पार्टी सभापति शेर बहादुर देउवाले खाणका भाई रूपन्देही कांग्रेस सभापति रामकृष्ण खाणलाई हस्तान्तरण गरेका हुन्।
नक्कली भुटानी शरणार्थी प्रकरणमा संलग्न रहेको अभियोगमा प्रहरीले गत वैशाख २७ गते निवासबाटै उनलाई पक्राउ गरेको थियो।
गत असार २ गते खाणसहित उक्त अभियोग लागेका १६ जनालाई पुर्पक्षका लागि थुनामा पठाइएको थियो।
जिल्ला अदालतको आदेश विरुद्ध खाणका कानुन व्यवसायीहरु उच्च अदालत पाटन पुगेका थिए।
उक्त मुद्दामा गत शुक्रबार उच्च अदालत पाटनले आदेश दिएको थियो।
खाणलाई थुनामा राख्ने कि धरौटीमा छाड्ने भन्ने विषयमा न्यायाधीशहरू प्रकाश खरेल र जनक पाण्डेबीच मत बाझिएको थियो।
मत बाझिएकाले एकल इजलासले उनलाई पुर्पक्षका लागि थुनामा राख्ने वा धरौटीमा छाड्ने भन्ने विषयमा निर्णय हुनेछ। त्यसको लागि अर्को साता पेशी तोकिनेछ।
खाणलाई अभियोग लागेको भए पनि कांग्रेसले भने केन्द्रीय सदस्यबाट निलम्बन गरेको छैन।
उनलाई निलम्बन गर्नु पर्ने भन्दै कांग्रेस संस्थापन इतरपक्षका नेताहरुले कांग्रेस केन्द्रीय समितिको बैठकमा समेत माग राखेका थिए।
तर संस्थापन पक्ष बहुमत भएका कारण खाणलाई निलम्बन गर्न कांग्रेस पन्छिएको थियो।
How do you feel by reading this post?
Happy
Sad
Surprised
Excited
Angry